Category: юмор

Category was added automatically. Read all entries about "юмор".

Дыгъуасэ, нобэ... Нэхъыжь, нэхъыщ1э...

1-325

Адыгэхэм ди напщIэ телъщ ди хабзэр, хабзэм къызэригъэувщи, нэхъыжьым пщIэ хуэщIын хуейщ. Ауэ хабзэм жиIэркъым, нэхъыщIэм пщIэ хуэмыфащэу. Иужьрей зэманым ди зэхэтыкIэм укIэлъыплъмэ, пщIэ зыхуэфащэ нэхъыжьыр мащIэ хъуауэ, нэхъыщIэр зыдэплъеин ямыгъуэту гу лъыптэнущ. Къуажэхэм дыдэплъэнщи, псоми яцIыхуу, пщIэ иIэу, и жыIэм лъэпкъыр тету апхуэдэ нэхъыжь дэсыжу щыткъым. Къалэхэм удэплъэкIэ сыт – ди къалэхэдэсхэр лъэпкъкIэ зэхэкIутащи, цыджани, ермэлыи, хьэрыпи, Iэзэрбэджани – дэмыс укIуэдыж, апхуэдэу щыхъукIэ,  акъылкIэ, гу кIуэцIылъымкIэ къахэщу лIыжь зыбжанэ дэсу щытми, ахэр тцIыхуркъым, утыку къыщимыхьэкIэ, дэни щыпцIыхун.
Къуажэми, къалэми къыщекIуэкIращи, утыку ихьэу псэлъэн хуейуэ къалэн зыхуащIыр мэпсалъэ, адрейуэ, зы унэцIэ зезыхьэ лъэпкъыр зэрыIыгъыу, зы къуажэ дэсхэр зэгурыIуэу нэхъыжь хагъэбелджылыкIауэ  е абы езым Iуэхурэ акъылкIэ зигъэлъагъуэу и гъащIэр ирихьэкIа нэужь, и жьыщхьэ пщIэ къихьарэ и псалъэм едаIуэу – щыIэжкъым апхуэдэ. Ауэ иджыпсту зи гугъу тщIынур а димыIэракъым, атIэ нобэ къыдэлыжауэ диIэращ. Гъэсэныгъэ зыхэмылъ, IукIейщIыкIей, псэлъэкIэмыщIэ нэхъыжь ди куэдщ. Къысхуагъэгъуэнщ адрей нэхъыжьхэм, ауэ пэжыр пэжщ… Илъэс 50-м унэблэгъамэ куэдым дежкIэ унэхъыжьщ, 60-м ущхьэдэхамэ нэхъыжьращ узыхабжэнур. АтIэ сыт хуэдэ ди нобэрей балигъхэмрэ нэхъыжьхэмрэ?

Collapse )